Ar raktres

Kalzig a zielloù a denn d’ar sevenadur ha d’ar glad ac’h a d’ober teñzor Breizh. Miret ha skignet e vezont gant tud oberiant en ur rouedad bras.

Unanet eo ar berc’hennien-se dre ar porched Bretania, a ro moaien deoc’h da furchal an holl zielloù war ar memes tro.

En o mesk e kaver, peurgetket :

• Ar poltriji hag ar c’hartennoù-post
• Dielloù ar c’hazetennoù
• Kannadigoù ar c’helc’hioù gouizien
• An dalc’hadoù diwar an enklaskoù skolveuriek
• Dielloù ar glad dre gomz
• Dielloù ar c’hleweled
• Dastumadegoù ar mirdioù
• Renabloù ar glad hag ar saverezh
• An dalc’hadoù skeudennoù, kartennoù, tresoù, dornskridoù ha levrioù ral all

Gant Rannvro Breizh zo bet roet lañs d’ar raktres Bretania ha gant ar gevredigezh Bretagne Culture Diversité/Sevenadurioù e vez lakaet da vont en-dro.

Evit mont pelloc’h ganti e vez BCD/S hag he c’henlabourerien oc’h aozañ an dielloù-se e kalzig a deuliadoù dre dem.

Evit krogiñ mat ganti :

• Deskit penaos kas un enklask da benn vat
• Grit anaoudegezh gant Breizh dre ur bern teuliadoù, pennadoù ha videoioù
• Lennit roll ar genoberourien

Ma faot deoc’h dont da vezañ kenoberour ivez, lennit penaos e c’hallit kemer perzh e Porched sevenadurioù Breizh en ur glikañ war al liamm-mañ.